भारतसँग विद्युत् आदानप्रदानमा समस्या छ : निर्देशक शाक्य

काठमाडौं । नेपाल विद्युत् प्राधिकरणका कार्यकारी निर्देशक हितेन्द्रदेव शाक्यले भारतसँग विद्युत आदानप्रदानमा समस्या रहेको बताएका छन् ।

प्राधिकरणको श्वेतपत्र सार्वजनिक गर्दै उनले वर्षेनी सम्झौता नवीकरण गरिरहनुपर्दा समस्या भएको बताए ।

उनले भने, “केही समय भारतको इनर्जी सिस्टमा चाप परेको बेलामा सोलार आवरमा मात्रै उपलब्ध हुने अहिले भारत सरकारले सहयोग गरेको बाहेक ११ घण्टाबाहेक रातिको समयमा पनि उपलब्ध गराइरहेको छ । अहिले मे १ देखि चार घन्टा थप गरेर जम्मा १५ घन्टा उपलब्ध भइरहेको छ । तर, यसरी वर्षेनी नवीकरण गरिरहनुपर्दा भारतसँग सीमा जोडिएका तर विद्युत् सम्झौता नभएका मुलुकहरुको लगानी भएको आयोजनालाई स्वीकार नगर्ने यस्ता समस्याहरु प्राधिकरणको आगामी दिनको चुनौती हुन् ।”