गृहमन्त्रीलाई शेखरको सुझाव – राजीनामा दिएर छानबिनमा सघाउनुस्

काठमाडौं । नेपाली काङ्ग्रेसका नेता शेखर कोइरालाले गृहमन्त्री रमेश लेखकलाई पदबाट राजीनामा दिन सुझाएका छन् ।

त्रिभुवन अन्तर्राष्ट्रिय विमानस्थलको अध्यागमन विभागमा भएको भ्रष्टाचारका विषयमा कुरा उठिसकेपछि नैतिकताको आधारमा लेखकले राजीनामा दिनु उपयुक्त हुने उनको सुझाव छ ।

शनिबार विराटनगर विमानस्थलमा सञ्चारकर्मीसँग कुरा गर्दै कोइरालाले भने, “नैतिकताको हिसाब म क्लिन छु । मैले राजीनामा गरेँ । छानबिन समिति बनाउनुस् । अनुसन्धान गर्नुस् भने भैहाल्यो नि ।”

विगतमा पनि केही मन्त्रीहरूले राजीनामा दिएर छानबिनमा सघाएको र लेखकले राजीनामा दिँदा उनकै नैतिकतामा सघाउ उनको भनाइ छ ।

अध्यागमनको सेटिङमा मानव तस्करी, त्यसबाट दैनिक ५० लाखसम्म असुली र गृहमन्त्रीको सचिवालय नै त्यसको सेटिङमा संलग्न भएको बताइएको छ । यस प्रकरणमा गृहमन्त्रीको स्वकीय सचिवालयमा रहेका गणेश ओझादेखि जनक भट्टसम्मको नाम मुछिएको छ ।

सादगीबाट दागी बनेका रमेश लेखक