लागुऔषधसहित छ जनालाई प्रहरीले पक्राउ

झापा, २५ जेठ । सुनसरी र ताप्लेजुङबाट लागुऔषधसहित ६ जनालाई प्रहरीले पक्राउ गरेको छ ।

जेठ २४ गते प्रहरी चौकी नरसिंहटप्पु सुनसरीबाट खटिएको प्रहरी टोलीले चेकजाँचको क्रममा इटहरी–१७ का २९ को अबिनाश चौधरीलाई ३५ ग्राम ११० मिलिग्राम ब्राउनसुगर र इलाका प्रहरी कार्यालय इटहरीले इटहरी–६ बाट सोही स्थानका २९ वर्षीय सन्तोष श्रेष्ठ र २९ वर्षीय जीवन बुढाथोकीलाई ९२ एम्पुल लागुऔषधसहित नियन्त्रणमा लिएको हो भने इलाका प्रहरी कार्यालय महेन्द्रनगरले १९ किलोग्राम गाँजा सहित प्रदेश १–०२–०५१ प ४८२३ नम्बरको मोटरसाइकल चालक धनकुटा–९ का २१ वर्षीय लक्ष्मण माझीलाई बराहक्षेत्र–१ बाट पक्राउ गरेको छ ।

त्यस्तै, ताप्लेजुङको फुङलिङ नगरपालिका–७ घर भई हाल फुङलिङ–६ स्थित डेरा गरी बस्दै आएका २६ वर्षीय सुजन तामाङलाई ७ ग्राम ३० मिलिग्राम ब्राउनसुगर र डिजिटल तराजु १ थानसहित उनकै कोठाबाट र बेचबिखानमा संलग्न भारत दार्जलिङका २३ वर्षीय नितेन बर्मनलाई फुङलिङ–२ बाट जिल्ला प्रहरी कार्यालय ताप्लेजुङले नियन्त्रणमा लिएको छ । पक्राउ परेका उनीहरुको थप अनुसन्धान भइरहेको छ ।

The post लागुऔषधसहित छ जनालाई प्रहरीले पक्राउ appeared first on Jhapa Online.