१० महिनामा विदेश पढ्न जाने विद्यार्थीसँगै १ खर्ब विदेशियो

काठमाडौँ । पछिल्लो १० महिनामा अध्ययनका लागि विदेश जाने नेपाली विद्यार्थीसँगै एक खर्बबढी रुपैयाँ विदेशिएको छ । नेपाल राष्ट्र बैंकको तथ्यांक अनुसार बैशाखमसान्तसम्म विद्यार्थीसँगै १ खर्ब १२ अर्ब ४४ करोड रुपैयाँ विदेशिएको हो ।

गत वर्षको सोहि अवधिमा शिक्षामा १ खर्ब ४ अर्ब रुपैयाँ विदेशिएको थियो ।

त्यस्तै, १० महिनाको अवधिमा शिक्षा र घुमफिरका लागि विदेश जाने नेपालीसँगै १ खर्ब ८५ अर्ब ३ करोड रुपैयाँ विदेशिएको राष्ट्र बैंकले जनाएको छ । यो तथ्यांक अघिल्लो आर्थिक वर्षको तुलनामा १७.९ प्रतिशतले बढी हो ।

यता, नेपाल भ्रमणमा आउने पर्यटकले भने ७५ अर्ब ७१ करोड रुपैयाँ मात्र खर्च गरेको पाइएको छ । अघिल्लो वर्ष पर्यटकले गरेको खर्च ६९ अर्ब ७३ करोड रहेको थियो ।