एअरबेस र मिसाइल कारखाना रहेको इरानी शहरमा इजरायलको आक्रमण

काठमाडौं । इजरायलले इरानको प्रमुख शहर इस्फहानमा हवाई आक्रमण गरेको छ ।

मध्य इरानमा अवस्थित इस्फहान रूपान्तरण प्लान्ट देशको आणविक पूर्वाधारको एक महत्त्वपूर्ण भाग हो । यसबाहेक इरानका अन्य शहरहरूमा अवस्थित युरेनियम खानी र अन्य प्लान्टहरू पनि यस संरचनाको हिस्सा हुन् ।

बीबीसीकाअनुसार इस्फहानमा इरानका धेरै प्रमुख सैन्य पूर्वाधार पनि छन्, जसमा एउटा ठूलो एअरबेस र एउटा मिसाइल कारखाना पनि समावेश छ ।

अप्रिल २०२४ मा पनि इजरायलले यस क्षेत्रमा रहेको एउटा हवाई क्षेत्रमा आक्रमण गरी त्यहाँ रहेको हवाई रक्षा प्रणालीलाई क्षति पुर्‍याएको थियो ।

इरानले इस्फहानमा रहेका यी सबै सुविधा शान्तिपूर्ण उद्देश्यका लागि मात्र भएको बताएको छ । तर, इजरायल र धेरै पश्चिमी देशहरूले इरानले गोप्य रूपमा आणविक हतियार बनाउन प्रयोग गरिरहेको शंका गर्छन् ।