अमेरिका: बाइडेनले १०० भन्दा बढी देशलाई लोकतन्त्रमा छलफल गर्न निम्तो दिए, भारतका तीन छिमेकीले मात्र पाए निम्तो 

अमेरिकी राष्ट्रपति जो बाइडेनले आजबाट सुरु हुने विश्व प्रजातन्त्र शिखर सम्मेलनमा १०० भन्दा बढी देशलाई निम्तो दिएका छन् । यी देशमा भारतसँगै तिनका छिमेकी राष्ट्रलाई पनि निमन्त्रणा आएको छ । जसमध्ये एउटा पाकिस्तान, अर्को नेपाल र तेस्रो माल्दिभ्स हो । विश्व लोकतन्त्र शिखर सम्मेलनको मुख्य उद्देश्य लोकतन्त्रबारे छलफल गर्नु हो। कोरोना महामारीका कारण भिडियो लिङ्कबाट आयोजना गरिएको यो कार्यक्रम ह्वाइट हाउसले सञ्चालन गर्नेछ । जसमा लोकतन्त्र र शक्तिशाली निरंकुशता वा अधिनायकवाद जस्ता विषयहरू छलफल हुनेछन्। 

भारतको छिमेकी चीनलाई भने निमन्त्रणा गरिएको छैन। नेपाल र माल्दिभ्सलाई बोलाइएको छ । अर्कोतर्फ चीनको छिमेकी मुलुक दक्षिण कोरिया अझै पनि अमेरिकाको नजिक रहेको र यस शिखर सम्मेलनको निम्तो पाएको छ । यस शिखर सम्मेलनमा निम्तो नपाएका भारतका छिमेकी राष्ट्रमा बंगलादेश, श्रीलंका, म्यानमार, अफगानिस्तान, भुटान र इरान पर्छन् ।

लोकतन्त्रको बारेमा छलफलका लागि पाकिस्तानलाई निमन्त्रणा पक्कै पनि आश्चर्यजनक छ। किनभने पाकिस्तानमा लोकतन्त्र त देखाउने मात्र हो, त्यहाँ सरकार सेना र आइएसआईले आफ्नो स्वार्थ अनुसार चलाउँछन् । पाकिस्तानमा जतिपनि राजनैतिक दलहरू छन् सबै अन्तर्राष्ट्रिय जगतलाई देखाउने मुखौटा मात्र हुन् । जुनसुकै पार्टी लाई जतिबेला पनि सेना र आइएसआइले सत्तामा लिएर आउन सक्दछन्।