तालिबानी आदेशः अब महिला अभिनेत्रीसँग चल्ने टिभी सिरियल बन्द गर्नुपर्छ, एन्करिङ गर्दा हिजाब लगाउन अनिवार्य

सत्तामा आएपछि तालिबानले महिलालाई काम गर्ने स्वतन्त्रता दिने कुरा गरेको थियो तर अहिले फेरि जसरी धार्मिक मार्गनिर्देशन जारी भइरहेको छ, त्यसले संगठनले आफ्नो पुरानो परम्परालाई कायम राखेको देखिन्छ । वास्तवमा, तालिबान प्रशासनले आइतवार नयाँ 'इस्लामिक धार्मिक दिशानिर्देश' जारी गरेको छ, जस अनुसार महिला अभिनेत्रीहरूलाई देशको टेलिभिजन च्यानलहरूमा सिरियल वा डेली सोपहरूमा देखाउन पाइँदैन। यति मात्र होइन, तालिबानले महिला अभिनेत्रीलाई लिएर बनेका सबै पुराना सिरियलको प्रसारण रोक्न पनि आदेश दिएको छ । तालिवानको आदेशमा महिला टिभी पत्रकारले एन्करिङ गर्दा हिजाब लगाउनु पर्ने पनि उल्लेख छ ।

पैगम्बर मुहम्मदसँग सम्बन्धित कार्यक्रमहरू रोक्न आदेश
मन्त्रालयले च्यानलहरूलाई पैगम्बर मुहम्मद वा अन्य विशिष्ट व्यक्तिहरूलाई चित्रित गर्ने चलचित्र वा कार्यक्रमहरू प्रसारण नगर्न पनि आग्रह गरेको छ। तालिबान मन्त्रालयले इस्लामिक र अफगान मूल्यमान्यता विरुद्ध रहेका चलचित्र वा कार्यक्रमहरूमा प्रतिबन्ध लगाउन आह्वान गरेको छ। मन्त्रालयका प्रवक्ता हकिफ मोहजिरले एएफपी समाचार एजेन्सीलाई भने कि यी धार्मिक दिशानिर्देश हुन्, नियम होइन।

सामाजिक सञ्जालमा प्रसारित
नयाँ दिशानिर्देश आइतबार अबेर राति सामाजिक सञ्जालमा व्यापक रूपमा फैलिएको थियो। तालिबानले यसअघि नै युनिभर्सिटीमा महिलाले के लगाउन मिल्ने र के लगाउन नपाउने भन्ने नियम लागू गरिसकेको छ । यसबाहेक, प्रेस स्वतन्त्रता कायम राख्ने वाचाको बाबजुद धेरै अफगान पत्रकारहरूलाई कुटपिट र उत्पीडन गरियो।