नेपाल-कतार संयुक्त व्यापार परिषद् गठन बारे छलफल

काठमाडौं । नेपाल-कतार संयुक्त व्यापार परिषद् गठन गर्ने बारे दुई देशका निजी क्षेत्रको नेतृत्वबीच छलफल भएको छ । नेपाल उद्योग वाणिज्य महासंघका अध्यक्ष चन्द्रप्रसाद ढकाल र कतार चेम्बरका अध्यक्ष शेख खालिफ विन जसिम अल थानीबीच उक्त परिषद् गठन गर्ने लगायतका विषयमा छलफल भएको हो ।

कतार भ्रमणमा रहेका महासंघका अध्यक्ष ढकालले यस बारे एक ट्वीट सन्देश मार्फत् बुधबार साँझ जानकारी दिएका छन् । उनले कतार चेम्बरका अध्यक्ष अल थानीलाई न्यानो आतिथ्यको लागि धन्यवाद दिंदै

‘हामीले नेपाल कतार संयुक्त व्यापार परिषद् गठन गर्ने र हाम्रा दुई ठूला राष्ट्रहरूबीच व्यापार र लगानी प्रवर्द्धन गर्ने विषयमा फलदायी र ठोस छलफल गरेका छौं,’ अध्यक्ष ढकालले ट्वीट सन्देशमा लेखेका छन् ।

यसअघि वैशाखमा कतारका अमिर शेख तममिन बिन हमाद अल थानीको नेपाल भ्रमणको क्रममा निजी क्षेत्रका तर्फबाट नेपाल उद्योग वाणिज्य महासंघ र कतार चेम्बर अफ कमर्शका बीचमा पनि लगानी आदानप्रदानसम्बन्धी समझदारी पत्रमा हस्ताक्षर भएको थियो । सो समझदारीपत्रमा नेपालका तर्फबाट महासंघका अध्यक्ष चन्द्रप्रसाद ढकाल र कतार चेम्बरका तर्फबाट शेख खालिफ विन जसिम अल थानीले हस्ताक्षर गरेका थिए।

Thank you for your warm hospitality H. E. Khalifa Bin Jassim Bin Mohammad Al Thani, Chairman, @Qatar_Chamber. We had a fruitful and concrete discussion on shaping the Nepal Qatar Joint Business Council and promoting trade and investment between our two great nations #investnepal pic.twitter.com/HfMyn0J1w0

— Chandra Prasad Dhakal (@ChandraPDhakal) October 2, 2024