झापामा बाढीमा डुबेर छ जनाको मृत्यु

भद्रपुर, १७ असोज । गत साता अविरल वर्षाका कारण आएको बाढीमा डुबेर झापामा छ जनाको मृत्यु भएको छ ।

जिल्ला प्रहरी कार्यालय झापाका अनुसार तीनजनाको गौरादहको कृष्णे खोलामा डुबेर ज्यान गएको छ भने कनकाई, मेची र जमुना नदीमा डुबेर एक–एक जनाको मृत्यु भएको छ । गौरीगञ्ज–२ बस्ने ५५ वर्षीय केनालाल ताजपुरिया, गौरीगञ्ज–२ कै ७५ वर्षीय महेश्वर न्यौपाने र कमल–१ बस्ने मुसे भनिने ३५ वर्षीय टिकाराम चौधरीको कृष्णे खोलामा डुबेर मृत्यु भएको हो ।

त्यस्तै, कचनकवलको जमुना खोलाले बगाएर कचनकवल–१ की १४ वर्षीया नेहारिका राजवंशीको मृत्यु भएको थियो । बेपत्ता चारै जनाको शव लामो खोजतलास पछि मात्र फेला परेको थियो । मेची र कनकाई नदीमा डुबेको अवस्थामा दुईवटा बेवारिसे शव फेला परेको थियो । ती दुवै पुरुषको सनाखत हुन नसकेको प्रहरीले जनाएको छ ।

The post झापामा बाढीमा डुबेर छ जनाको मृत्यु appeared first on Jhapa Online.