पुण्य गौतममाथि रड प्रहार, टाउको फुटेपछि आइसीयुमा (भिडिओ)
आकस्मिक कक्षमा टाउकोमा दर्जन बढी टाँका लगाइएको छ । थप उपचारका लागि अहिले गौतमलाई आइसियुमा राखिएको छ ।
काठमाडौं । सामाजिक सञ्जालका विभिन्न प्लेटफर्ममा अन्तरवार्ता दिएर भाइरल भएका पुण्य गौतममाथि जोरपाटीमा आक्रमण भएको छ । सोमबार राति साढे ९ बजे घर फर्किँदै गर्दा घर नजिकै अज्ञात व्यक्तिले रडले आक्रमण गरेको हो ।
गौतमका अनुसार आक्रमणकारी एक जना मात्र थिए, र उनले चिनेनन् ।
रडको प्रहारले गौतमको टाउकोमा गहिरो चोट लागेको छ । बचाउने प्रयासमा उनको हातमा पनि चोट लागेको छ । उनलाई तत्काल स्थानीयले नेपाल मेडिकल कलेज, जोरपाटी पुर्याइएका थिए ।
जहाँ आकस्मिक कक्षमा टाउकोमा दर्जन बढी टाँका लगाइएको छ । थप उपचारका लागि अहिले गौतमलाई आइसियुमा राखिएको छ ।
घटनाबारे प्रहरी अनुसन्धान जारी छ । गौतम पछिल्लो समय बाढी पहिरोबाट पीडित भएका व्यक्तिको राहतमा वितरणमा सक्रिय थिए ।
What's Your Reaction?
