युक्रेनी सेनामा भर्तीका लागि बार, रेस्टुरेन्ट र विवाह समारोहमा छापा

कीभ । सैनिक अभावको सामना गरिरहेको युक्रेनी सेनाले अहिले विवाह समारोह, नाइट क्लब, बार, रेष्टुरेन्ट र कन्सर्ट हलजस्ता ठाउँमा छापा मारिरहेको छ ।

युक्रेनले युद्धको सुरुवातदेखि नै पुरुषहरूलाई सेनामा भर्ती हुन अनिवार्य गरेको थियो। यसका लागि युवालाई यसै वर्ष अप्रिलमा आर्मीमा दर्ता हुन भनिएको थियो ।

यो आदेशपछि युक्रेनी युवा सेनामा भर्ती हुनबाट जोगिन खोजिरहेका छन् । युक्रेनले सन् २०२२ को फेब्रुअरीदेखि रुससँग युद्ध लडिरहेको छ।

रिपोर्टका अनुसार यस युद्धमा करिब ८० हजार युक्रेनी सैनिकको मृत्यु भएको छ । जसका कारण युक्रेनमा सैनिकको अभाव देखिएको छ । जसका कारण युक्रेनले नयाँ सैनिक भर्ती गरिरहेको छ । युक्रेनी राष्ट्रपति जेलेन्स्कीले सेनामा कम्तीमा ५ लाख युवा भर्ना गर्नुपर्ने बताएका छन् ।

नाम दर्ता नगर्ने पक्राउ

राजधानी कीभमा सेनामा दर्ता नगरेका युवाको पहिचान गर्न सेनाको छापा मार्ने चलन सामान्य भएको छ । स्थानीय सञ्चारमाध्यमका अनुसार सेनाको यो अभियान मुख्यतया युवाहरूको सैन्य दर्ता कागजातहरू जाँच्न र नियम उल्लङ्घन गर्नेहरूलाई पक्राउ गर्न हो।

युक्रेनी सैन्य कानुनका वकिल कास्यान्चुक सर्गी भने – सेनाले अब विवाह समारोहमा पनि छापा मारेको छ। सर्गीले सामाजिक सञ्जालमा यस्तै एउटा कार्यको भिडियो शेयर गरेका छन् ।

नयाँ सेना भर्ती नियमहरू अप्रिल सन् २०२४ मा लागू भएको थियो ।

युक्रेनमा अप्रिलमा लागू भएको नयाँ नियम अनुसार २५ देखि ६० वर्ष उमेर समूहका सबै पुरुषले सैन्य सेवा अनिवार्य गरेको छ । साथै, १८ देखि ६० वर्ष उमेर समूहका कुनै पनि पुरुषलाई देश छाड्न अनुमति छैन।

यसका साथै सेनामा भर्नाका लागि योग्य भएका सबैले आफ्नो जानकारी अनलाइनमा पनि दर्ता गर्नुपर्नेछ । त्यसो नगरे कडा सजाय भोग्नुपर्ने हुनसक्छ ।

यस नियममा सेना भर्तीको न्यूनतम उमेर सीमा पनि २७ बाट घटाएर २५ वर्ष कायम गरिएको छ । यस्तो अवस्थामा धेरै युवाहरूले सेनामा भर्ती हुनबाट जोगिनका लागि अनलाइन सूचना दर्ता गरिरहेका छैनन्।

यसपछि सेनाले अनिवार्य सेवाका लागि दर्ता नगरेका युवालाई पक्राउ गर्ने अभियान सुरु गरेको छ ।

रुसले पनि दुई पटक सेना थप्यो

फेब्रुअरी २०२२ मा युद्ध सुरु भएपछि रुसले पनि दुई पटक आफ्नो सेना बढाएको छ । युद्धपछि पहिलो पटक रुसले सन् २०२२ को अगस्टमा १ लाख ३७ हजार सैनिक भर्ती गरेको थियो ।

यसपछि रुसी सेनामा सैनिकको कुल संख्या २० लाखभन्दा बढी पुगेको थियो । तीमध्ये ११ लाख ५० हजार सक्रिय सैनिक थिए।

दोस्रो पटक, डिसेम्बर २०२२ मा रूसी सेनामा १ लाख ७० हजार नयाँ सैनिकहरू बढाइएको थियो। योसँगै रुसको कुल सक्रिय सेना १३ लाख २० हजार पुगेको छ ।