आफ्नो कारले ठक्कर दिएपछि घाइतेलाई अस्पताल पुर्याए, गम्भीर देखेपछि भागे निरज
काठमाडौं । कारको ठक्करपछि घाइतेलाई अस्पताल पुर्याएर भागेका चालक पक्राउ परेका छन् । असोज २६ गते साँझ १८:३० बजेतिर तिनकुने गैरीगाउँ सडकमा कारले एक व्यक्तिलाई ठक्कर दियो । कारको ठक्करबाट सर्लाही कबिलासी नगरपालिका-२ स्थायी घर भई हाल काठमाठौं महानगरपालिका-३२ बस्ने ५१ वर्षिय विनोद महरा गम्भीर घाइते भए । कार मोरङको विराटनगर उपमहानगरपालिका-१७ घर भई हाल […]
काठमाडौं । कारको ठक्करपछि घाइतेलाई अस्पताल पुर्याएर भागेका चालक पक्राउ परेका छन् ।
असोज २६ गते साँझ १८:३० बजेतिर तिनकुने गैरीगाउँ सडकमा कारले एक व्यक्तिलाई ठक्कर दियो ।
कारको ठक्करबाट सर्लाही कबिलासी नगरपालिका-२ स्थायी घर भई हाल काठमाठौं महानगरपालिका-३२ बस्ने ५१ वर्षिय विनोद महरा गम्भीर घाइते भए ।
कार मोरङको विराटनगर उपमहानगरपालिका-१७ घर भई हाल ललितपुरको कुपण्डोल बस्ने ४० वर्षिय निरज विष्टले चलाएका थिए ।
घाइते भएका महरालाई विष्टले नै सडकबाट उठाएर नजिकै रहेको केएमसी अस्पताल पुर्याए । घाइतेको अवस्था देखेर विष्ट भने फरार भए । सोही रातको १ बजे महराको मृत्यु भयो ।
उक्त घटनापछि फरार रहेका विष्टलाई खोज्न प्रहरी परिसर काठमाडौं र प्रहरी वृत्त बानेश्वरबाट संयुक्त टोली खटिएको थियो । खोजी गर्नेक्रममा उनलाई प्रहरीले लुकिछिपी बसेको अवस्थामा कुपण्डोलबाट पक्राउ गरेको हो ।
पक्राउ परेका चालकमाथि थप अनुसन्धान अघि बढाएको छ । चालकको बा ३ च ९४४ को कार पनि प्रहरीले नियन्त्रणमा लिएको छ ।
What's Your Reaction?