भारतमा बेचिएका १२ बालबालिकाको उद्धार

झापा, ३ कात्तिक । भारतमा बेचिएका १२ जना बालबालिकाको उद्धार गरिएको छ ।

भारतका विभिन्न सहरमा पुर्‍याएर बेचिएका, अवैध काममा लगाइएका र सडकमा जीवन बिताइरहेका बालबालिकालाई उद्धार गरिएको हो । नेपाल–भारतमा मानव बेचबिखनको क्षेत्रमा काम गर्दै आएको संस्था किन इन्डियाले १२ जना बालबालिकाको उद्धार गरेर नेपाल ल्याएको हो ।

उद्धार गरिएकामा ९ जना बालिका, एकजना किशोरी र २ जना बालक छन् । किन इन्डियाले भैरहवास्थित विभिन्न संस्थाहरूको सहकार्यमा जिल्ला प्रशासन मार्फत् आफन्तको जिम्मा लगाएको हो। उदयपुरका ४, सुनसरीका ३, धनुषाका २, सिन्धुपाल्चोक, धनकुटा र पर्साका १–१ जना छन् । उनीहरुलाई भारतको सुपाउ, मधुवनी, गया, बिहार, दिल्ली, बेंग्लुर लगायतका ठाउँबाट उद्धार गरिएको हो ।

The post भारतमा बेचिएका १२ बालबालिकाको उद्धार appeared first on Jhapa Online.