अन्डरवर्ल्ड ग्याङ्स्टार छोटा राजनले बम्बई उच्च अदालतबाट पाए जमानत
काठमाडौं । भारतको बम्बई उच्च अदालतले २३ वर्ष पुरानो हत्या प्रकरणमा छोटा राजनलाई जमानत दिएको छ । समाचार एजेन्सी पीटीआईका अनुसार छोटा राजनलाई सन् २००१ मा होटल व्यवसायीको हत्या गरेको अभियोगमा आजीवन कारावासको सजाय सुनाइएको थियो । लाइभ लका अनुसार सन् २००१ मा जया शेट्टीको हत्याको मुद्दामा अन्डरवर्ल्ड ग्याङ्स्टार छोटा राजनले जमानत पाएका छन् । […]
काठमाडौं । भारतको बम्बई उच्च अदालतले २३ वर्ष पुरानो हत्या प्रकरणमा छोटा राजनलाई जमानत दिएको छ ।
समाचार एजेन्सी पीटीआईका अनुसार छोटा राजनलाई सन् २००१ मा होटल व्यवसायीको हत्या गरेको अभियोगमा आजीवन कारावासको सजाय सुनाइएको थियो ।
लाइभ लका अनुसार सन् २००१ मा जया शेट्टीको हत्याको मुद्दामा अन्डरवर्ल्ड ग्याङ्स्टार छोटा राजनले जमानत पाएका छन् । यस मुद्दामा राजनलाई यसअघि नै सजाय भइसकेको छ ।
छोटा राजन पत्रकार जे डे हत्याकाण्डमा सजाय काटिरहेकाले जेलबाट निस्कन गाह्रो छ ।
सन् २०१८ मा मुम्बईको एक विशेष अदालतले पत्रकार जे डेको हत्या प्रकरणमा मुख्य आरोपी छोटा राजनसहित सबै नौ दोषीहरूलाई जन्मकैदको सजाय सुनाएको थियो ।
मुम्बईका ज्योतिर्मय ‘मिड डे’ अखबारमा सिनियर क्राइम रिपोर्टरका रूपमा काम गर्थे । ‘जे डे’ नामबाट पत्रिका लेख्ने ज्योतिर्मयको ११ जुन २०११ मा मुम्बईको उपनगर पवईमा गोली हानी हत्या गरिएको थियो ।
What's Your Reaction?