माओवादीको खबरदारीसभा आज, २० हजार सहभागी हुने आकलन
काठमाडौं । प्रमुख प्रतिपक्ष दल नेकपा (माओवादी केन्द्र) को खबरदारी सभा आज हुँदैछ । पार्टी अध्यक्ष पुष्पकमल दाहाल ‘प्रचण्ड’ले नेतृत्व गर्ने जुलुस र सभामा केपी शर्मा ओली नेतृत्वको सरकारलाई खबरदारी गर्ने नेताहरूले बताएका छन् । भृकुटीमण्डपमा हुने खबरदारी सभा रचनात्मक र शान्तिपूर्ण हुने नेताहरूले बताएका छन् । बागमती प्रदेश, उपत्यका विशेष र सम्पर्क समन्वय समितिको […]
काठमाडौं । प्रमुख प्रतिपक्ष दल नेकपा (माओवादी केन्द्र) को खबरदारी सभा आज हुँदैछ ।
पार्टी अध्यक्ष पुष्पकमल दाहाल ‘प्रचण्ड’ले नेतृत्व गर्ने जुलुस र सभामा केपी शर्मा ओली नेतृत्वको सरकारलाई खबरदारी गर्ने नेताहरूले बताएका छन् ।
भृकुटीमण्डपमा हुने खबरदारी सभा रचनात्मक र शान्तिपूर्ण हुने नेताहरूले बताएका छन् ।
बागमती प्रदेश, उपत्यका विशेष र सम्पर्क समन्वय समितिको संयुक्त आयोजनामा जनप्रदर्शनसहित खबरदारी सभाको तयारी पुरा भएको उपत्यका विशेष समितिका अध्यक्ष जगत सिंखडाले जानकारी दिए ।
उनका अनुसार बिहान ११ बजे काठमाडौं मलमा जम्मा हुन नेता तथा कार्यकर्ताहरू निर्देशन दिएको छ । त्यहाँबाट बाजा, झाँकीसहित ब्यानरको नेतृत्व प्रचण्डसहित पदाधिकारीले गर्नेछन् ।
जुलुस भद्रकाली, शहीद गेट हुँदै काठमाडौं मलमा जम्मा हुनेछ । सबै जम्मा भएपछि रत्नपार्क, बागबजार, प्रदर्शनी मार्ग हुँदै भृकुटीमण्डपमा आएर खबरदारी सभामा परिणत हुने अध्यक्ष सिंखडाले जानकारी दिए ।
What's Your Reaction?