स्पष्टीकरण बुझाउँदै विन्दा-उषा, रावलको टुङ्गो छैन !
काठमाडौं । नेकपा (एमाले) ले आफ्ना तीन नेता डा. भीम रावल, विन्दा पाण्डे र उषाकिरण तिम्सिनालाई सातदिने स्पष्टीकरण सोधेको थियो । गत कात्तिक ६ गते सोधिएको स्पष्टीकरणको समय सोमबार (आज) घर्किँदैछ । भाटभटेनी सुपरमार्केटका सञ्चालकसमेत रहेका व्यवसायी मीनबहादुर गुरुङले एमालेलाई कीर्तिपुर २ मैत्रीनगरमा १० रोपना १४ आना जग्गा दानस्वरूप दिएका थिए । त्यसँगै कार्यालय पनि आफैँ […]
काठमाडौं । नेकपा (एमाले) ले आफ्ना तीन नेता डा. भीम रावल, विन्दा पाण्डे र उषाकिरण तिम्सिनालाई सातदिने स्पष्टीकरण सोधेको थियो । गत कात्तिक ६ गते सोधिएको स्पष्टीकरणको समय सोमबार (आज) घर्किँदैछ ।
भाटभटेनी सुपरमार्केटका सञ्चालकसमेत रहेका व्यवसायी मीनबहादुर गुरुङले एमालेलाई कीर्तिपुर २ मैत्रीनगरमा १० रोपना १४ आना जग्गा दानस्वरूप दिएका थिए । त्यसँगै कार्यालय पनि आफैँ बनाएर हस्तान्तरण गर्ने भनेका थिए ।
रावल, पाण्डे र तिम्सिनाले यसबारे पार्टी विधानको ८१ (३) विपरीतको अभिव्यक्ति दिएको भन्दै महासचिव शंकर पोखरेलले स्पष्टीकरण सोधेका हुन् ।
दानमा आएको जग्गाका कारण पार्टी सदस्य र मतदाताहरूको शिर निहुँएको भन्दै उनीहरूले आफ्नै बुतामा पार्टी कार्यालय बनाउनुपर्ने बताएका थिए तर, पार्टीले स्पष्टीकरण सोध्यो ।
स्पष्टीकरण सोधिएपछि पाण्डे र तिम्सिनाले बुझाउने तयारी गरेका छन् । पाण्डेले नेपालभ्युजसँग भनिन्, “पार्टीले सोधेपछि स्पष्टीकरण बुझाउनु परिहाल्यो । भरै साँझ ५ बजेसम्ममा महासचिवकै हातमा स्पष्टीकरण बुझाउँछु ।”
उनले स्पष्टीकरणमा यसअघि आफूले दिएको अभिव्यक्तिमाथि नै थप व्याख्या गरेको बताइन् । “कतिपय कुराहरूमा अस्पष्ट भएछ, त्यसमाथि थप इल्याबोरेट गरेको छु । बाँकी कुरा पछि थाहा पाइहाल्नुहुन्छ ।”
यस्तै तिम्सिनाले पनि साँझसम्म बुझाउने नेपालभ्युजसँग बताइन् । “हामीले राखेको, बोलेको कुराले पार्टीलाई घाटा पुग्दैन, नोक्सान हुँदैन बरु त्यसरी सोच्ने बानी गर्नुपर्छ भन्ने बेहोरा लेखेको छु ।”
रावलले भने अहिलेसम्म टुङ्गो नभएको प्रतिक्रिया दिए । स्पष्टीकरण बुझाउँदै हुनुहुन्छ ? भन्ने नेपालभ्युजको जिज्ञासामा उनले भने, “अहिले एउटा जरुरी काममा छु । पछि कुरा गर्छु । स्पष्टीकरणबारे टुङ्गो छैन ।”
त्यसो त आज बिहान मात्रै रावलले नेतृत्वको शैलीविरुद्ध एउटा स्टाटस लेखेका थिए ।
उनले लेखेका छन्, “एमालेको जबज, परम्परा र संवैधानिक ह विपरीत कुनै बैठक र छलफल बिना पदको दुरूपयोग गर्दै सुदूरपश्चिम प्रदेश कमिटी, अछाम र कैलाली जिल्ला कमिटीका सदस्यहरूलाई तानाशाही शैलीमा स्पष्टीकरण सोध्ने र धम्क्याउने गलत कार्यको सबै न्यायप्रेमी, इमानदार र सिद्धान्तनिष्ट व्यक्तिहरूले विरोध र प्रतिवाद गरौँ ।”
- सम्बन्धित सामग्री
रावल, पाण्डे र तिम्सिनालाई एमालेको स्पष्टीकरण, सात दिनभित्र जवाफ दिन निर्देशन
What's Your Reaction?