कांग्रेसले विश्वप्रकाशको संयोजकत्वमा बनायो उपनिर्वाचन संयोजन समिति

काठमाडौं । नेपाली कांग्रेसले स्थानीय तहको उपनिर्वाचनका लागि महामन्त्री विश्वप्रकाश शर्माको नेतृत्वमा केन्द्रीय संयोजन समिति गठन गरेको छ ।

सभापति शेरबहादुर देउवाले आज समिति गठन गरेको मुख्यसचिव कृष्णप्रसाद पौडेलले जानकारी दिए ।

समितिको सदस्यमा सहमहामन्त्रीहरु महालक्ष्मी उपाध्याय, भीष्मराज आङ्देम्बे, महेन्द्र यादव, जीवन परियार, प्रवक्ता डा. प्रकाशशरण महत, केन्द्रीय सदस्य पुष्पा भुसाल, मीन विश्वकर्मा, मधु आचार्य र सदस्य सचिव प्रकाश शर्मा छन् ।

स्थानीय तहको उपनिर्वाचन यही मंसिर १६ गते हुँदैछ । ३ स्थानीय तहका प्रमुख तथा अध्यक्षसहित ३९ रिक्त पदका लागि उपनिर्वाचन हुन लागेको हो ।