पाँचथरबाट इलाम जाँदै गरेको पिकअप ६० फिट तल खसेपछि

झापा, १८ कात्तिक । आज बिहान ६ः०५ बजे फिदिम नगरपालिका–४ स्थित मेची राजमार्गको डब्लु हाउसमा पाँचथरको च्याङ्थापुबाट इलामतर्फ आउँदै गरेको पाँचथर याङवरक–१ निवासी २६ वर्षीय सुबास गुरुङद्वारा चलाइएको डबल क्याब पिकअप आफैँ अनियन्त्रित भई सडकबाट करिब ६० फिट तल झर्‍यो र दुर्घटना भयो।

दुर्घटनामा पाँचथर याङवरक–१ च्याङ्थापु बिरुवा निवासी ३ वर्षीया सलक्षना राईको टाउकोमा सामान्य चोट लागेको र अवस्था सामान्य रहेको छ। सोही ठाउँका २० वर्षीया सृष्टि राईको नाकमा सामान्य चोट देखिएको छ तर बाहिरी चोट देखिएको छैन र अवस्था सामान्य छ। ५४ वर्षीय सन्तोष राईको शरीर सामान्य दुखेको छ तर बाहिरी चोट देखिएको छैन, र अवस्था सामान्य छ। ४४ वर्षीया बिना राईको पनि शरीर दुखेको छ, बाहिरी चोट देखिएको छैन, र अवस्था सामान्य छ। २७ वर्षीय सन्देश बेघाको अनुहारमा सामान्य चोट लागेको छ र अवस्था सामान्य छ। २५ वर्षीया संगिता राईको शरीर दुखेको छ र अवस्था सामान्य रहेको छ।

घाइतेहरुलाई उद्दार गरी जिल्ला अस्पताल पाँचथरमा उपचार भैरहेको र घटनास्थलमै रहेको सवारीसाधनलाई निकाल्ने प्रयास भइरहेको जिल्ला प्रहरी कार्यालय पाँचथरले जानकारी दिएको छ।

The post पाँचथरबाट इलाम जाँदै गरेको पिकअप ६० फिट तल खसेपछि appeared first on Jhapa Online.