लैंगिक हिंसा विरुद्धको १६ दिने अभियानमा मेचीमहाकाली बुहारीको अभिमुखिकरण

कनकाई, १५ मंसिर । मेचीमहाकाली बुहारी संयुक्त आवाज कनकाई शाखाको आयोजनामा लैंगिक हिंसा विरुद्व १६ दिने अभियान अन्तर्गत मानव बेचविखनविरुद्ध अभिमुखीकरण कार्यक्रम भएको छ ।

झापा गाँउपालिका वडा नम्वर ७ मदरगाछस्थित जनकल्याण माध्यमिक विद्यालयको सभा हलमा आयोजित कार्यक्रममा स्थानीय महिला, बालकालिका, जनप्रतिनिधि लगायत संस्थाका प्रतिनिधिको बाक्लो उपस्थिति रहेको थियो । मेचीमहाकाली बुहारी संयुक्त आवाज कन्काई शाखाकी अध्यक्ष कल्पना भट्टराई उप्रेतीको अध्यक्षतामा आयोजित कार्यक्रमलाई संस्थाकी कन्काई शाखा सदस्य विन्दा बाँस्कोटाले स्वागत गर्नु भएको थियो ।

उहाँले लैंगिक हिंसाको सुरुवात हाम्रो चिन्तनबाट शुरु हुने भएकोले आफ्नो बिचारमा परिर्वतन ल्याउनु पर्नेमा जोड दिनुभयो । झापा गाँउपालिका वडा नम्वर ७ का वडा सदस्य प्रेम गणेशको प्रमुख आतिथ्यतामा सम्पन्न कार्यक्रमको औचित्यमाथी प्रकाशपार्दै मेचीमहाकाली बुहारी संयुक्त आवाजकी झापा जिल्ला अध्यक्ष गंगा भट्टराईले मेची महाकाली बुहारी संयुक्त आवाज शहर केन्द्रित गतिविधी भन्दा गाँउ र दुरदराजमा पिल्सिएका गरीव दिनदुःखीको आवाज बन्न चाहेको बताउनुभयो ।

कार्यक्रमको पहिलो श्रङखलामा कालिदास फाउण्डेशनका प्रतिनिधिको तर्फबाट मानव बेचविखनको वर्तमान अवस्था र यसको न्युनीकरण विषयक अन्तरक्रियात्मक कार्यशाला प्रस्तुत गरिएको थियो । कार्यशालाको सहजीकरण कालिदास फाउण्डेशनका प्रतिनिधी विवेक शिवाकोटीले गर्नुभएको थियो ।

उहाँले नेपालमा दैनिक १ सय २० जना बालबालिका तथा महिलाको बेचविखन हुने गरेको बताउनु भयो । घरेलु कामदारको रुपमा दासत्व तथा यौन दासीको रुपमा शुरु भएको बेचविखनले मुलुकमा विकराल रुप लिदै गएको उहाँ बताउनुभयो। जनकल्याण माध्यमिक विद्यालयका प्रधानाध्यापक पदम प्रसाद अधिकारीले यस्तो सुन्दर र जनचेतनात्मक कार्यक्रमका लागि जनकल्याण मा।विलाई छनोट गरेकोमा धन्यवाद दिनुभयो । प्रधानाध्यापक अधिकारीले चेतनाको कमी र शक्तिका कारण हिंसाका घटनाहरु घट्ने गरेको बताउनु भयो ।

विद्यालय ब्यवस्थापनका समितिका अध्यक्ष तेजबहादुर श्रेष्ठ, पुष्पाञ्जली महिला समूहका प्रतिनिधीहरु,कनकाई उपशाखाकी उपाध्यक्ष लिला देवि प्याकुरेल,सह सचिव पुजा भेट्वाल, झापा जिल्ला समितिकी उपाध्यक्ष रोशनी अधिकारी, कनकाई उपशाखाकी सदस्य धनमाया न्यौपाने, कोषाध्यक्ष सरिता नेपाल लगायत महिला, बालबालिका, शिक्षक शिक्षिका गरी १ सय २० जनाको उपस्थिती रहेको थियो ।
कार्यक्रमको समापन गर्दै कनकाई उपशाखाकी अध्यक्ष कल्पना भट्टराई उप्रेतीले महिला हिंसाको अन्त्यका लागि घरबाटै, आफैबाट अभियानको थालनी गर्नुपर्ने बताउनु भयो ।

कमल उपशाखाका प्रतिनिधीहरु, झापा जिल्ला कार्यसमितिका प्रतिनिधीहरु लगायत झापा मदरगाछका महिलाहरुको बाक्लो उपस्थिती रहेको कार्यक्रमको सञ्चालन कनकाई उपशाखाकी सचिव निर्मला बस्नेतले गर्नुभएको थियो ।

The post लैंगिक हिंसा विरुद्धको १६ दिने अभियानमा मेचीमहाकाली बुहारीको अभिमुखिकरण appeared first on Jhapa Online.