अस्ट्रेलियाबाट फर्किएलगतै श्रीमती बलात्कार गरेको आरोपमा श्रीमान् पक्राउ

काठमाडौं । अस्ट्रेलियामा ६ वर्ष बसेर स्वदेश फर्किएका ललितपुर सुनाकोठीका एक युवा श्रीमती बलात्कारको मुद्दामा पक्राउ परेका छन् ।

२७ वर्षका परिवर्तित नाम ‘सुनाकोठी २६ विरुद्ध’ सरकारी वकिल कार्यालय ललितपुरले जिल्ला अदालतमा वैवाहिक बलात्कार मुद्दा दायर गरेको छ । मुद्दा अदालतमा विचाराधीन छ ।

पति ‘सुनाकोठी २६’ र पत्नी ‘जावलाखेल १३’ दुवैजना अस्ट्रेलिया थिए । गत दशैंमा दुवैजना स्वदेश आएका हुन् । आएको तीन दिनमा पत्नी ‘जावलाखेल १३’लाई बलात्कार गरेको आरोपमा पति पक्राउ परेका हुन् ।

२०७५ मा पारिवारिक सहमतिमै बिहे गरेका उनकी पत्नी बिहे लगतै अस्ट्रेलिया गएकी थिइन् । पत्नीको डिपेन्डेन्ट भिसामा पती ‘सुनाकोठी २६’ पनि पछि उतै गए ।

लगातार ६ वर्ष अस्ट्रेलिया उनीहरु दुवैजना दशैँमा घर आए । तर, दुवैजना पतिको घर गएनन् । पति ‘सुनाकोठी २६’ आफ्नो घर गए । पत्नी ‘जावलाखेल १३’ आफ्नो माइती लागिन् ।

भोलिपल्ट पत्नी ‘जावलाखेल १३’ पति ‘सुनाकोठी २६’को घर पुगिन् । त्यो समयमा पतिले पत्नीलाई बलात्कार गरेको आरोपमा घरबाटै पक्राउ परेका हुन् ।

‘आफूलाई सहमति बिना जबरजस्ती बलात्कार गरेको’ पत्नीको आरोप छ । उता पतिले भने फसाइएको भन्दै इन्कारी बयान दिएका छन् ।

अस्ट्रेलिया हुँदै अन्य केटीहरूसँग कुराकानी गर्ने गरेको भनी पत्नीले आरोप लगाई मन मुटाव हुन थालेको उनले भनेका छन् ।

बिचार नमिल्ने र मन मुटाव समेत भइरहेको हुँदा सम्बन्ध बिच्छेद गर्न स्वदेश आएको पतीको दाबी छ ।

‘उनी मेरो घर आइन् र गुलाबी रङको कट्टु उपहार भन्दै दिइन् । लगाउन आग्रह गरिन्। लगाउन खोज्दा चिच्याएर ढोका खोल्दै आफन्तलाई बोलाइन् । त्यसपछि प्रहरीले मलाई पक्राउ गर्यो‍ ’ अभियुक्त पतिको बयान छ ।