अल्टिमाको प्रिमियम फिचरयुक्त बूम १८१ एएनसी इयरबड्स नेपाली बजारमा 

काठमाडौं । नेपालको प्रमुख लाइफस्टाइल इलेक्ट्रोनिक्स ब्रान्ड अल्टिमाले आफ्नो नयाँ वायरलेस इयरबड्स अल्टिमा बूम १८१ एएनसी नेपाली बजारमा उपलब्ध गराएको छ ।

एक्टिभ नोइज क्यान्सलेशन, उच्च–गुणस्तरको ध्वनि, र लामो ब्याट्री लाइफजस्ता उन्नत सुविधाहरूले भरिएको बूम १८१ एएनसीले केवल ३९९९ रुपैयाँमा उत्कृष्ट मूल्य प्रदान गर्दछ ।

सुरुवातमा यो १९९९ रुपैयाँमा मात्र २५ डिसेम्बरदेखि विशेष अफरमा उपलब्ध हुनेछ जसले यसलाई २५०० रुपैयाँ भित्रका उत्कृष्ट इयरबड्समध्ये एक बनाउने कम्पनीले विश्वास लिएको छ ।

यस्ता छन् विशेषता 

अल्टिमा बूम १८१ एएनसीले अत्याधुनिक प्रविधि र उत्कृष्ट डिजाइन संयोजन गरी अद्वितीय सुन्ने अनुभव प्रदान गर्ने बताइएको छ ।

१. हाई–फाई साउन्ड क्वालिटीः १३ एमएम हाई–फिडेलिटी सोनिक ड्राइभर र अल्टिमा सुप्रिम साउन्ड टेक्नोलोजीले स्पष्ट उच्च, सन्तुलित मध्यम, र गहिरो बास प्रदान गर्दछ ।

२. गेम मोडः ४५एमएस कम लेटेन्सी मोडले लग–फ्री गेमिङ अनुभव प्रदान गर्छ ।

३. ब्याट्री उत्कृष्टता: ४५ घण्टासम्मको कुल प्ले टाइम र एक पटक चार्जमा ६ घण्टा प्ले टाइम, १० मिनेट चार्जमा १२० मिनेट अतिरिक्त प्ले टाइमको लागि थ्रीसी बूस्ट चार्जिङ टेक्नोलोजी ।

४. एआई–पावर्ड क्वाड माइकहरू: एआई क्रिस्टल–क्लियर कल एल्गोरिदमले उच्च–गुणस्तरको कल अनुभव प्रदान गर्दछ ।

आराम र सजिलो प्रयोगका लागि डिजाइन

बूम १८१ एएनसी ले कम्प्याक्ट अन्डाकार बडी र अर्गोफिट डिजाइनसहित आरामदायी र सहज फिट प्रदान गर्छ । आईपीएक्स५ वाटर रेसिस्टेन्ट भएकाले यो कसरत र दैनिक गतिविधिका लागि उपयुक्त रहेको कम्पनीको दाबी छ ।

उपलब्धता र रङहरू

बूम १८१ एएनसी कार्बन व्हाइट र कार्बन ब्ल्याक रङहरूमा उपलब्ध छ, जसले स्टाइल र कार्यक्षमता दुवै प्रदान गर्छ। प्याकेजमा इयरबड्स, टाइप–सी केबल, थप इयर टिप्स, ६ महिनाको ब्रान्ड वारेन्टी, र ३० दिनको रिप्लेसमेन्ट ग्यारेन्टी समावेश छ ।