अन्तर्राष्ट्रिय खुला कराते प्रतियोगितामा नेपाललाई पहिलो स्वर्ण

काठमाडौं । अन्तर्राष्ट्रिय खुला कराते प्रतियोगितामा नेपालले स्वर्ण पदक जितेको छ ।

भारतको महाराष्ट्रमा जारी प्रतियोगितामा उमेर समूहको काता प्रदर्शनमा नेपालले पहिलो स्वर्ण पदक जितेको हो ।

१० वर्ष उमेर समूहका नेपालका खेलाडी सिद्वार्थ रानाले स्वर्ण पदक जितेका हुन् । भारतीय राष्ट्रिय कराते सङ्घको आयोजनामा भएको प्रतियोगितामा बङ्गलादेश, श्रीलङ्कालगायत भारतका विभिन्न क्षेत्रबाट एक सयभन्दा बढी खेलाडी सहभागी छन् ।

प्रतियोगितामा आज र भोलि विभिन्न उमेर र तौल समूहका फाइनल खेल हुनेछन् । प्रतियोगितामा नेपालका तर्फबाट महिला तथा पुरूष गरी १८ जना खेलाडी सहभागी छन् ।

रासस