जय ट्रफी : लन्चअघि आर्मी ब्याटिङमा सङ्घर्षरत, मधेसको राम्रो सुरुवात

काठामाडौं । जय ट्रफी एलिट कप क्रिकेटको पहिलो दिनको खेलमा लन्च त्रिभुवन आर्मी क्लबले ब्याटिङमा सङ्घर्ष गरिरहेको छ ।

वीरगञ्जस्थित नारायणी क्रिकेट मैदानमा जारी खेलमा नेपाल पुलिस क्लबविरुद्ध पहिलो ११ ओभरमा आर्मीले ३ विकेटको क्षतिमा २८ रन बनाएको छ ।

आर्मीका लागि सोमपाल कामीले ५ र सन्तोष कार्कीले १ रन बनाए । त्रित राज दास भने शून्यमा आउट भए । कुशल मल्ल १३ र भीम सार्की ९ रनमा अविजित छन् ।

पुलिसका लागि ललित राजवंशीले ३ विकेट लिए । उनले एकै ओभरमा २ विकेट लिए । उनले १.२ ओभरमा सन्तोष र १.६ ओभरमा त्रित राज दासलाई आउट गरे । ललितले सोमपालाई ७.१ ओभरमा आउट गरे ।

यस्तै, जनकपुरस्थित रामजानकी मल्टिपर्पस ग्राउण्डमा जारी खेलमा मधेसले बागमती प्रदेशविरुद्ध १२ ओभरमा १ विकेटको क्षतिमा ३२ रन बनाएको छ।

मधेसका कप्तान हरिशंकरण शाह ४ रन आउट भए । मयन यादव १७ र निरज यादव ८ रनमा अविजित छन् ।

बागमतीका लागि नन्दन यादवले १ विकेट लिए ।

बाक्लो हुसुका कारण दुवै खेल निर्धारित समयभन्दा ढिला सुरु भएको थियो ।