जय ट्रफी : लन्चअघि आर्मीलाई ७१ रनको अग्रता, मधेसले बनायो २६ रन

काठमाडौं । जय ट्रफी एलिट कप क्रिकेटको दोस्रो दिन नेपाल पुलिस क्लबविरुद्ध त्रिभुवन आर्मी क्लबले लन्चअघि ७५ रन बनाएको छ ।

वीरगञ्जस्थित नारायणी क्रिकेट मैदानमा जारी आर्मीले आफ्नो दोस्रो इनिङ्समा २० ओभरमा ४ विकेटको क्षतिमा ७५ रन बनाएको हो । साथै ७१ रनको अग्रता लिएको छ ।

आर्मीका लागि त्रित राज दास २९ र सोमपाल कामी १५ रनमा अविजित छन् । यसअघि बसिर अहमद १ , कुशल मल्ल २, भीम सार्की १५ र सन्तोष कार्की ७ रनमा आउट भए ।

पुलिसका लागि गुल्शन झाले ३ र राशिद खानले १ विकेट लिए । गुल्शनले सन्तोषलाई ३.२, भीमलाई ७.३ र बसिरलाई ११.६ ओभरमा आउट गरे ।

जय ट्रफी : आर्मीविरुद्ध पुलिस १२५ रनमा अलआउट

यस्तै, जनकपुरस्थित रामजानकी मल्टिपर्सस स्टेडियममा जारी खेलमा मधेसले आफ्नो दोस्रो इनिङ्समा लन्चअघि २६ रन बनायो ।

मधेसले ४ ओभराम १ विकेटको क्षतिमा २६ रन बनायो । मधेसका लागि मयन यादव ८ र निरज २ रनमा अविजित छन् ।

कप्तान हरिशंकर शाह ११ रनमा आउट भए । उनलाई बागमतीका रिजन ढकालले आउट गरे ।

जय ट्रफी : मधेसविरुद्ध बागमती १५० रनमा अलआउट