‘म्यान अफ द म्याच’ भूर्तेल भन्छन् – ब्याटमा रन लाग्दा धैरै खुशी छु

काठमाडौं । जय ट्रफी एलिट कप क्रिकेटमा मधेस प्रदेशविरुद्धको खेलमा अलराउण्ड प्रर्दशन गरेका कुशल भूर्तेल ‘म्यान अफ द म्याच’ घोषित भएका छन् ।

वीरगञ्जस्थित नारायणी क्रिकेट मैदानमा बिहीबार सम्पन्न भएको खेलमा कुशलले दुवै ब्याटिङ र बलिङमा सानदार प्रदर्शन गरेका हुन् ।

पहिलो इनिङ्समा कुशलले २ विकेट तथा ६३ रनको अर्धशतकीय पारी खेले भने दोस्रो इनिङ्समा आफ्नो फाइफर विकेट पनि पूरा गरे । यससँगै उनले १० हजार रुपैयाँ पनि प्राप्त गरे ।

अवार्ड पाएपछि कुशलले भने, ‘आत्मविश्वास बढेको छ । ब्याट र बल दुवैबाट टिमलाई योगदान गर्नु पाउँदा खुशी छु ।’

‘रन बन्ने नबन्ने क्रिकेटको पाटो हो जस्तो लाग्छ । विगत १ वर्षदेखि जसरी फिल्डिङमा बलिङमा टिमलाई योगदान पुर्याइरहेको छु , सोचेको थिएन ब्याट नचल्ला भनेर, कुनै न कुनै दिन चल्छ भनेर मेरो मेहेन्तले मलाई प्रेरण दिइरहेको थियो । बलिङबाट राम्रो गर्दा गर्दा ब्याटमा रन लाग्दा धैरै खुशी छु, ’ आफ्नो प्रदर्शनको सुधारबारे कुशलले भने ।

विगत २–३ वर्षदेखि बलिङ तालिम गर्दा ललित, गुल्शन र आरिफ दाइलाई पनि सजिलो भएको उनले बताए ।

मधेसको पहिलो इनिङ्समा गुल्शन झाले पनि फाइफर लिए भने दोस्रो इनिङ्समा ३ विकेट लिए ।