पूर्वी नाका काँकरभिट्टाबाट तस्करी धन्धा जारी, फेरि ५ लाख ५७ हजारको सामान फेला

झापा, ६ माघ । झापाको पूर्वी नाका काँकरभिट्टाबाट पहिल्लो समय दैनिकजसो अवैध सामान बरामद हुन थालेको छ । शुक्रबार बेवारिसे अवस्थामा र अवैध मदिरा बरामद भएलगत्तै शनिबार पुनः करिब छ लाख रुपैयाँ बराबरको अवैध सामान बेवारिसे अवस्थामा फेला परेको छ ।

शनिबार राति ९ बजे जिल्ला प्रहरी कार्यालय झापा र इलाका प्रहरी कार्यालय काँकरभिट्टाबाट खटिएको संयुक्त प्रहरी टोलीले मेचिनगर–६ स्थित हनुमान मन्दिर हुँदै भारतबाट नेपालतर्फ अवैध रुपमा भन्सार छली गरी लुकाई छिपाई ल्याउदैं गरेको धोती कपडा ८ पिस, लेडिज ब्लाउज १० पिस, पेटिकोट ८ पिस, भेष्ट २० पिस, थानको कपडा १५ मिटर, लेह्ङगा २ पिस, डिनर प्लेट १२ थान, धाराको टुटी ३९ पिस, गाडीको पार्टस पुर्जा र अन्य विभिन्न किसिमका किराना सामान समेत गरी करिब ५ लाख ७३ हजार ५५० रुपैयाँ बराबरको अवैध सामान बेवारिसे अवस्थामा फेला पारेको छ ।

ती सामान बरामद गरी आवश्यक कारबाहीका लागि मेची भन्सार कार्यालय काँकरभिट्टा बुझाउने तयारी भइरहेको जिल्ला प्रहरी कार्यालय झापाले जनाएको छ ।

The post पूर्वी नाका काँकरभिट्टाबाट तस्करी धन्धा जारी, फेरि ५ लाख ५७ हजारको सामान फेला appeared first on Jhapa Online.