गाँजासहितको गाडी छाडेर चालक फरार

हेटौंडा। 

 बा. १० च ७७५८ नम्बर बोलेरो पिकगाडीमा लागुऔषध गाँजा राखी कैलाशबाट मनहरीतर्फ आउँदै गरेको अवस्थामा इलाका प्रहरी कार्यालय मनहरीबाट खटिएको प्रहरीले गाँजा बरामद गरे पनि अभियुक्तहरु फरार भएका छन् ।

मकवानपुरको राक्सिराङ गाउँपालिका वडा–५, चैनपुरस्थित कैलाशबाट मनहरीतर्फ आउँदै गरेको गाडी बिहीबार बिहान करिब ७ बजे प्रहरीलाई देख्नासाथ चालक तथा अर्का १ गरी २ जनाले सडकमै गाडेर फरार भएका थिए । 

तत्काल स्थानीयको रोहबरमा खानतलासी गर्दा गाडीको पछाडि ढालामा लुकाइल्याएको अवस्थामा गाँजा २ सय १२ किलो फेला परेको थियो । गाँजा र गाडी बरामद गरी फरार रहेका व्यक्तिहरुको खोजतलास जारी रहेको प्रहरीले जनाएको छ ।