कचनकवल गाउँपालिकाले गर्यो कर्मचारीको पदोन्नती

कचनकवल, ७ माघ । कचनकवल गाउँपालिकाले स्थानीय सरकारी तह सेवा ऐन, २०८० को दफा २७९३० अनुसार विभिन्न पदमा कार्यरत कर्मचारीहरूको पदोन्नति गरेको छ।

गाउँपालिकाले कर्मचारीहरूको सेवा अनुभव, दक्षता, र कार्य प्रदर्शनको आधारमा उनीहरूको स्तर वृद्धि गरी सम्मान गरेको छ। यो निर्णयले कर्मचारीहरूको मनोबल बढाउनुका साथै संस्थाको सेवा प्रवाहलाई थप प्रभावकारी बनाउने विश्वास गरिएको हो। गाउँपालिकाले दिएको जानकारी अनुसार, गोविन्द रिजाललाई लेखा अधिकृत–अधिकृत स्तर सातौंबाट लेखा अधिकृतरअधिकृत स्तर आठौंमा पदोन्नति गरिएको छ। उनी प्रशासनिक कार्यमा लामो समयदेखि सक्रिय भई गाउँपालिकाको प्रगतिमा योगदान दिँदै आएका थिए।

यस्तै, प्रभाकर आचार्यलाई स्थानीय प्रशासनरलेखाको अ।ले।प। सहायकरसहायक पाँचौबाट अलेप अधिकृत–अधिकृत स्तर छैटौंमा पदोन्नति गरिएको छ। डोरकुमार खतिवडा स्थानीय प्रशासनरसामान्य प्रशासनको प्रशासन सहायकरसहायक पाँचौबाट अधिकृत स्तर छैटौंमा बढुवा गरिएको छ। उनले प्रशासनिक काममा उत्कृष्ट प्रदर्शन गर्दै संस्थालाई थप व्यवस्थित बनाउन योगदान पुर्याएका छन्।

सरला लुइँटेललाई प्रशासन सहायकबाट प्रशासन अधिकृतमा पदोन्नति गरिएको छ। उनी प्रशासनिक कार्यका साथै योजना व्यवस्थापनमा सक्रिय रुपमा संलग्न रहँदै आएकी थिइन्। स्वास्थ्य क्षेत्रतर्फ, विष्णु प्रसाद सिंह राजवंशीलाई स्वास्थ्य सहायकबाट प्रमुख स्वास्थ्य सहायकमा पदोन्नति गरिएको छ। उनले स्वास्थ्य सेवा प्रदान गर्नमा महत्त्वपूर्ण भूमिका खेलेका थिए।

गाउँपालिकाले यो निर्णय गर्दै कर्मचारीहरूको क्षमताको सम्मान गरेको र सेवा प्रवाहलाई थप प्रभावकारी बनाउने उद्देश्य राखेको छ। सम्बन्धित पदाधिकारीहरूको योगदानलाई संस्थागत मान्यता दिँदै गाउँपालिकाले आगामी दिनमा उनीहरूलाई गाउँपालिकाको विकासमा थप प्रेरित गर्ने अपेक्षा राखेको छ। यो निर्णयले कर्मचारीहरूबीच थप उत्साह र प्रतिबद्धता बढाउने विश्वास व्यक्त गरिएको छ।

The post कचनकवल गाउँपालिकाले गर्यो कर्मचारीको पदोन्नती appeared first on Jhapa Online.