मधेसमाथि बागमतीको सहज जित

काठमाडौं। महिला प्रधानमन्त्री कप क्रिकेटमा मधेस प्रदेशमाथि बागमतीले सहज जित हासिल गरेको छ ।

धनगढीस्थित फाप्ला क्रिकेट मैदानमा भएको खेलमा बागमतीले मधेसलाई ७ विकेटले पराजित गरेको हो ।

मधेसले दिएको ४१ रनको लक्ष्य बागमतीले ६.४ ओभरमा ३ विकेटको क्षतिमा पूरा गर्‍यो ।

बागमतीका लागि याशु पाण्डेले १९ रन बनाइन् । कप्तान कञ्चन श्रेष्ठले ९ तथा विपिशा शाहीले ८ रन बनाइन् ।

मधेसका लागि रोज कडारीले २ विकेट लिइन् ।

यसअघि मधेस १५.५ ओभरमा ४० रन बनाएर अलआउट भएको थियो  ।

मधेसका लागि कप्तान सरस्वती कुमारी र साक्षी यादवले ६–६ रन बनाइन् । मधेसका कुनै पनि खेलाडीले दोहोरो अङ्कको रन बनाउन सकेनन् ।