माइजोगमाईमा एचपिभी खोप सम्बन्धी अन्तरक्रिया

रोशन काफ्ले
माईजोगमाई, १५ माघ । माइजोगमाई गाउँपालिकामा हुमन प्याथोमा भाइसर ९एचपिभी० खोपसम्बन्धी एकदिने अभिमुखीकरण सम्पन्न भएको छ ।

स्वास्थ्य शाखाको आयोजनामा नयाँबजारस्थित अमर कल्याण माविको भवनमा पालिकास्तरीय खोप समन्वय तथा सरोकारवालाका लागि कार्यक्रम सम्पन्न गरिएको थियो । गाउँपालिका अध्यक्ष कुशबहादुर थेवेको अध्यक्षता तथा उपाध्यक्ष प्रविना राईको आतिथ्यतामा कार्यक्रम सम्पन्न भएको थियो ।

पछिल्लो समय पाठेघरको मुखको क्यान्सर दिनानुदिन बढ्दो छ । यसको रोकथाम र महामारी नफैलियोस् भनेर ७७ वटै जिल्लामा खोप अभियान सञ्चालन भइरहेको छ । खोपको प्रभावबारे माइजोगमाई आधारभूत स्वास्थ्य चौकीकी स्वास्थ्यकर्मी एस्मिनले शुभकामना मन्तव्य राखेकी थिइन् ।

एचपिभी खोप महिलालाई पाठेघरको मुखको क्यान्सरविरुद्ध लगाइने खोप हो । यो खोप निःशुल्क रूपमा लगाइँदैछ । इलाम जिल्लाका १० वटै स्थानिय तहमा माघ २७ देखि फागुन २ सम्म खोप कार्यक्रम सञ्चालन हुँदैछ ।

माइजोगमाईमा पहिलो चरणमा विद्यालय तहमा कक्षा ६ देखि १० कक्षा सम्मका किसोरीलाई र विद्यालयबाहिर १० देखि १४ वर्ष उमेरसमूहका किसोरीलाई खोप लगाइने अभियान रहेको स्वास्थ्य शाखा प्रमुख रामशंखर देवले जानकारी दिए ।

एचपिभी खोप नेपाल सरकारको पहलमा चीन सरकारसँग भ्याक्सिन खरिद गरेर सञ्चालन हुँदैछ । पाठेघरको मुखको क्यानसरबाट हालसम्म नेपालमा ३ लाख ११ जनाको मृत्यु भइसकेको र पछिल्लो समय पाठेघरको मुखको क्यासर बढ्दो रूपमा रहेको देवले राजकारी दिए ।

उपाध्यक्ष राईले स्वास्थ्यलाई प्रमुख दायित्व मानेर स्वास्थ नै ठूलो धन मानेर पालिकाले अझ स्वास्थ क्षेत्रमा केही कार्यक्रम गर्नुपर्ने बताइन् । विशेषगरी महिलालाई धेरै रोगले सताउने र सबै महिलाले खुलेर बोल्न नसक्ने हुँदा महिलालाई खुलेर रोगको बारे बताउनसमेत उपाध्यक्ष राईले आग्रह गरिन् ।

गाउँपालिका अध्यक्ष थेबेले स्वास्थमा आफैंले सुरक्षा अपनाउनुपर्ने बताए । सचेतना कार्यक्रम, प्रचारप्रसार गर्नुपर्नेमा उनले जोड दिए । पहिलो चरणमा जति लक्ष्य राखिएको छ, त्यो पूरा गर्न सहयोगका लागि सबैसँग उनले आग्रहसमेत गरेका छन् । माइजोगमाई गाउँपालिकाभरमा पहिलो चरणमा पाँच सय ४८ जनालाई खोप लगाउने लक्ष्य राखिएको छ ।

The post माइजोगमाईमा एचपिभी खोप सम्बन्धी अन्तरक्रिया appeared first on Jhapa Online.