डीपसीकबारे ओलीको टिप्पणी : ब्रुस लीजस्तो आयो, झट्का दियो

काठमाडौं । प्रधानमन्त्री केपी शर्मा ओलीले भर्खरै सार्वजनिक चिनियाँ ‘एआई च्याटबट’ डीपसीक अन्य पुराना प्लाटफर्ममाथि चुनौतीका रूपमा प्रस्तुत भएको टिप्पणी गरेका छन् ।

बिहीबार भृकुटीमण्डपमा आयोजित औठौँ चेम्बर अफ कमर्शको एक्सपोलाई सम्बोधन गर्ने क्रममा प्रधानमन्त्री ओलीले डीपसीकलाई हङकङका मार्सल खेलाडी ब्रुस लीजस्तै शक्तिशाली भएको बताए ।

‘अहिले आएको नयाँ चिनियाँ एआई (डीपसीक) ले च्याटजीपीटीलगायत अन्य एआईलाई संकटग्रस्त बनाएको छ,’ उनले भने, ‘किनभने, अरूभन्दा कमसेकम १५ गुणा सस्तो भएकाले यसले बजार लिने सम्भावना देखिन्छ । यो ब्रुस लीजस्तो आयो क्या! ज्यान स्यानो छ, झट्याङझुटुङ हानिहाल्छ । ढालीहाल्छ खालको ।’

ओलीले डीपसीक अचानक आएर २४ घण्टामै यो स्थापित भएको र तहल्का मच्चाएको टिप्पणी गरे ।