मौसम : केही ठाउँमा हल्का हिमपात हुने, तराईमा हुस्सु र कुहिरो

काठमाडौं । देशका केही भूभागमा आज मौसम आंशिकदेखि सामान्य बदली छ ।

पश्चिमी वायुको सामान्य प्रभाव रहेकोले मौसममा बदली देखिएको मौसम पूर्वानुमान महाशाखाले बताएको छ ।

महाशाखाकाअनुसार अधिकांश पहाडी भेगमा मौसम बदलीको सम्भावना छ । तराई र उपत्यकाका भूभागमा भने हुस्सु र कुहिरो लागेको छ ।

आज राति कोशी, गण्डकी, कर्णाली र सुदूरपश्चिम प्रदेशका केही स्थानमा हल्का हिमपातको सम्भावना रहेको महाशाखाले जनाएको छ ।

हिमपात, हुस्सु र कुहिरोले जनजीवन प्रभावित हुन सक्ने भएकोले सतर्कता अपनाउन महाशाखाले आग्रह गरेको छ ।