सेभियामाथि बार्सिलोनाको सानदार जित, उपाधि दौडमा तीन टोलीबीच तीव्र प्रतिस्पर्धा

काठमाडौं । स्पेनिस ला लिगा फुटबलमा सेभियामाथि बार्सिलोनाले फराकिलो जित हासिल गरेको छ ।

सोमबार बिहान रोमोन सान्चेज पिजुआनमा भएको खेलमा बार्सिलोनाले घरेलु टोली सेभियामाथि ४–१ गोलअन्तरको सानदार जित हासिल गरेको हो ।

खेलमा पाहुना टोली बार्सिलोनाले सातौं मिनेटमै अग्रता लिएको थियो । रोबर्ट लेवान्डोस्कीले गोल गर्दै अग्रता दिलाएका हुन् । तर सेभिया एक मिनेटमै खेलमा फर्कियो । रुबेन भार्गासले आठौं मिनेटमा गोल गरेपछि खेल बराबरीमा आयो ।

तर खेलको ४६औं मिनेटमा बार्सिलोनाले पुनः अग्रता लियो । फर्मिन लोपेजले गोल गर्दै अग्रता दिलाएका हुन् । यसपछि पनि नरोकिएको बार्सिलोनाका लागि खेलको ५५औं मिनेटमा राफिन्हाले गोल गरे । यसपछि अग्रता ३–१ को भयो ।

यसका बीच बार्सिलोनाका गोलकर्ता लोपेजले खेलको ६२औं मिनेटमा रातो कार्ड खाए । यसपछि बार्सिलोना १० खेलाडीमा सीमित भयो । तर यसको फाइदा सेभियाले उठाउन सकेन । खेलको ८९औं मिनेटमा इरिक गार्सियाले गोल गर्दै बार्सिलोनालाई ४–१ को सानदार जित दिलाए ।

लिगमा तेस्रो स्थानमा रहेको बार्सिलोनाको जितसँगै उपाधि दौड थप रोमाञ्चक बनेका छ । उपाधि दौडमा तीन टोलीबीच तीव्र प्रतिस्पर्धा हुने देखिएको छ । पहिलो स्थानको रियल मड्रिड, दोस्रो स्थानको एट्लेटिको मड्रिड र तेस्रो स्थानको बार्सिलोनाबीच मात्र एक अङ्कको फरक मात्र भएको छ ।

साविक विजेता रियल ५० अङ्क छ । समान खेलबाट एट्लेटिकोको ४९ अंक तथा बार्सिलोनाको ४८ अङ्क छ । यसैले गर्दा उपाधि दौड रोचक बनेको छ ।

चौथो स्थानमा रहेको एथ्लेटिक क्लब बिल्बाओको २३ खेलबाट ४४ अङ्क छ । बार्सिलोनासँग पराजित सेभियाले समान खेलबाट २८ अङ्क छ । उ लिगको १३औं स्थानमा सीमित छ ।

‘मड्रिड डर्बी’ बराबरीमा सकिएपछि रोचक बन्दै ला लिगा उपाधि दौड