पिकनिक गएर फर्केको स्कुल बस शङ्खरापुरमा दुर्घटना

काठमाडौं । काठमाडौंको शंखरापुर नगरपालिका–५ मा स्कुल बस दुर्घटना भएको छ ।

बा २ ख ७९५८ नम्बरको  विद्यार्थी बोकेको बस शंकरापुरस्थित कात्तिकेमा दुर्घटनामा परेको प्रहरीले जनाएको छ  ।

सो दुर्घटनामा परेर दुई जना विद्यार्थीको मृत्यु भएको र ४० जना घाइते भएको जिल्ला प्रहरी परिसर काठमाडौंका एसपी अपिलराज बोहोराले बताए ।

बस  चाबहिलस्थित  सत्यसाई (एसएस) एकेडेमीका विद्यार्थी बोकेर नगरकोट पिकनिकबाट फर्कनेक्रममा दुर्घटना भएको थियो ।

अहिले उद्धार गर्दै घाइतेहरुलाई अस्पताल पठाउने काम भइरहेको प्रहरीले जनाएको छ ।