अध्यादेश सबै राजनीतिक दलको सहमतिमा पारित हुने एमाले महासचिव पोखरेलको दाबी

बिराटनगर । नेकपा एमालेका महासचिव शंकर पोखरेलले सरकारले जारी गरेको अध्यादेश सबै राजनीतिक दलको सहमतिमा पारित हुने दाबी गरेका छन् ।

शनिबार बिराटनगरमा सञ्चारकर्मीसंग कुरा गर्दै महासिचव पोखरेलले सबै राजनैतिक दलहरूले घोषणापत्रमा समावेश गरेको आर्थिक लगाएतका क्षेत्रको सुधार गर्न अध्यादेश ल्याइएको भन्दै सबै राजनीतिक दलको सहमतिमा नै अध्यादेश पारित हुने बताए ।

महासचिव पोखरेलले सरकारले आवश्यकताका आधारमा ल्याएको अध्यादेशमा सबै राजनैतिक दलको सहमति हुने भन्दै अध्यादेशबिरुद्ध रहेका असहमतिका बिषयहरुलाई छलफल गरेर अघि बढ्ने बताए ।

त्यस्तै महासचिव पोखरेलले सबै राजनैतिक दलहरूको सहमतिमा नै संविधान संसोधन गरिने समेत बताए ।