केपी ओली कप फाइनलमा कुमः सागरको साङ्गीतिक प्रस्तुति

काठमाडौं । केपी ओली कप फुटबल प्रतियोगिताको उपाधिका लागि आज (सोमबार) मच्छिन्द्र एफसी र त्रिभुवन आर्मी क्लब भिड्दैछन् ।

उक्त खेल दशरथ रङ्गशालामा आज साँझ ६ बजेबाट सुरु हुनेछ । सेमिफाइनलमा मच्छिन्द्रले आयोजक केपी एफसी र आर्मीले सङ्कटा क्लबलाई हराउँदै फाइनलमा स्थान सुरक्षित गरेका थिए ।

नेकपा एमालेको भ्रातृ सङ्गठन राष्ट्रिय युवा सङ्घको आयोजनामा भएको प्रतियोगिताको विजेताले १५ लाख ११ हजार एक सय ११ र उपविजेताले ५ लाख रुपैयाँसहित ट्रफी, प्रमाणपत्र र मेडल पाउने छन् ।

सर्वोत्कृष्ट खेलाडीले एक लाख, उत्कृष्ट गोलरक्षक, गोलकर्ता र उदीयमान खेलाडीले समान ५० हजार रुपैयाँ पाउनेछन् । फाइनलमा विश्वचर्चित इटालियन गोलकिपर जियानलुइजी बुफोन प्रमुख अतिथिको रुपमा रहनेछन् । फाइनलमा कुमः सागर र पूर्ण राईको साङ्कगीतिक प्रस्तुति रहने छ ।

प्रतियोगितामा दुई विदेशसहित ९ टोलीले सहभागिता जनाएका थिए । फाइनल खेल त्रिपुरेश्वरस्थित वल्र्डटे«ड सेन्टरको डिजिटल बोर्डबाट समेत खेलको प्रत्यक्ष प्रशारणको व्यवस्था मिलाइएको आयोजकले जनाएको छ ।

बुफोन प्रधानमन्त्री ओलीलाई भेट्न बिहानै पुगे बालुवाटार, सँगै चियानास्ता