संसदमा उर्जामन्त्रीलाई बर्खास्त गर्न माग

काठमाडौँ । नेकपा माओवादी केन्द्रकी सांसद ज्ञानु बस्नेतले उर्जामन्त्री दीपक खड्कालाई बर्खास्त गर्न माग गरेकी छिन् । प्रतिनिधि सभाको बैठकमा बोल्दै सांसद बस्नेतले उर्जामन्त्री खड्कालाई बर्खास्त गर्न माग गरेकी हुन् ।

विद्युत प्राधिकरणका कार्यकारी निर्देशक कुलमान घिसिङले लोडसेडिङ हुँदैन भनिरहेका बेला उर्जामन्त्रीले लोडसेडिङ हुन्छ भनेर जनतालाई आतंकित बनाएको सांसद बस्नेतले आरोप लगाएकी छिन् ।

उनले दलाल र बिचौलिया पोस्ने र बिस्तारै नाफामा गइरहेको नेपाल विद्युत प्राधिकरणलाई ध्वस्त पार्ने षड्यन्त्रमा स्वयम् उर्जामन्त्री दीपक खड्का संलग्न रहेको पनि बताएकी छिन् । यसरी खुलेयाम जनतालाई आतंकित बनाउने र प्राधिकरणलाई ध्वस्त पार्न खोजेको भन्दै सांसद बस्नेतले उर्जामन्त्री खड्कालाई बर्खास्त गर्न सरकारसँग माग गरेकी हुन् ।

त्यस्तै, उनले राष्ट्रिय सभाको बैठकमा उर्जा मन्त्रीले लोडसेडिङ हुन्छ भन्दै दिएको अभिव्यक्तिप्रति खेद प्रकट गरेकी छिन् ।