मेचीनगरको वैभव भेनियर उद्योगमा आगलागी

झापा, १० चैत । झापाको मेचीनगर नगरपालिका–४ स्थित वैभव भेनियर (प्लाइ) उद्योगमा आगलागी भएको छ ।

शनिबार राति ११ः३० बजे उद्योगमा आगलागी भएको हो । आगलागीको कारण खुल्न सकेको छैन । आगो स्थानीय पालिकाहरुको सात वटा दमकल, अरिदमन गण चारआलीबाट खटिएको नेपाली सेना, इलाका प्रहरी कार्यालय धुलाबारीबाट खटिएको प्रहरी टोली, सशसत्र प्रहरी बल नेपाल काँकरभिट्टाको टोली र स्थानीयबासीको सहयोगामा बिहानको राति ३ः५० बजे पूर्ण रुपमा नियन्त्रणमा लिइएको छ । क्षतिको विवरण आउन बाँकी रहेको छ भने घटनाको सम्बन्धमा थप अनुसन्धान भइरहेको जिल्ला प्रहरी कार्यालय झापाले जनाएको छ ।

The post मेचीनगरको वैभव भेनियर उद्योगमा आगलागी appeared first on Jhapa Online.