‘कुलमानबारे चित्तबुझ्दो जवाफ नपाए आन्दोलन गर्छौं’- प्रचण्ड 

काठमाडौँ । माओवादी केन्द्रका अध्यक्ष पुष्पकमल दाहाल (प्रचण्ड)ले कुलमान घिसिङबारे चित्तबुझ्दो जवाफ नपाए आन्दोलन गर्ने घोषणा गरेका छन् । संघीय संसदमा सञ्चारकर्मीसँग कुराकानी गर्दै प्रचण्डले यस्तो घोषणा गरेका हुन् । 

उनले कुलमान घिसिङलाई विद्युत प्राधिकरणबाट हटाउने निर्णयबारे प्रधानमन्त्रीसँग जवाफ मागेको जानकारी गराएका छन् । 

तर, कुलमानबारे प्रधानमन्त्री केपी शर्मा ओलीको जवाफ चित्त नबुझे वा जवाफ जालझेलपूर्ण तरिकाले आए आन्दोलन अघि बढाउने प्रचण्डले घोषणा गरेका छन् । 

बुधबार प्रतिनिधि सभाको बैठकमा कुलमानलाई प्राधिकरणबाट हटाउनुको कारण माग्दै माओवादीसहित विपक्षी दलहरुले अवरोध गरेपछि संसद बैठक नै स्थगित भएको छ ।