गणतन्त्रका पक्षमा एमालेले आज देशभर जागरण सभा र मोटरसाइकल र्‍याली गर्दै

काठमाडौं ।  प्रमुख सत्तारुढ नेकपा (एमाले) ले आज गणतन्त्रका पक्षमा देशभर जागरण सभा र मोटरसाइकल र्‍याली गर्ने भएको छ ।

काठमाडौं उपत्यकासहित देशभरका सदरमुकाम र प्रमुख सहरमा गणतन्त्रका पक्षमा जागरण सभा र मोटरसाइकल र्‍याली गर्ने एमालेले जनाएको छ ।

एमाले महासचिव शंकर पोखेरका अनुसार  काठमाडौँ उपत्यकामा अपराह्न ४ बजे तीनकुनेबाट संयुक्त रूपमा मोटरसाइकल र्‍यालीको आयोना हुनेछ।  ‘प्रतिगमनको दुष्प्रयासलाई नकाम बनाऔँ। लोकतान्त्रिक गणतन्त्रको पक्षमा दृढता प्रकट गरौँ,’ र्‍यालीमा सहभागी हुन सार्वजनिक आह्वान गर्दै एमाले महासचिव पोखरेलले भनेका छन् ।