बिर्तामोडमा खुल्यो भूमि समस्या समाधान आयोगको शाखा कार्यालय

बिर्तामोड, २० चैत । बिर्तामोड नगरपालिकामा भूमि समस्या समाधान आयोगको शाखा उद्घाटन गरिएको छ । आज एक संक्षिप्त कार्यक्रमका विच कार्यबाहक नगर प्रमुख नगेन्द्र प्रसाद संग्रौलाले रिवन काटेर कार्यालय उद्घाटन गर्नु भयो ।

कार्यक्रममा बोल्दै कार्यबाहक नगर प्रमुख संग्रौलाले कुनै प्रलोभनमा नपरी आयोगको काम गर्न कर्मचारीलाई निर्देशन दिनुभयो । राजनीतिक दलहरुले निर्बाचनको समयमा भूमिहिन हरुको समस्या समाधान गर्ने, धनिपुर्जा वितरण गर्ने लगायतका आश्वासन बाँढ्ने गरेको भएपनि सरकारमा पुगेपछि प्रतिवद्दता अनुसारका काम नगर्ने र अन्य विवादमा अल्झिने गरेकाकारण जनता पीडित नै रहेको गुनासो गर्नु भयो ।

यस्तै नगरका प्रमुख प्रशासकीय अधिकृत सागर मिश्रले बिर्तामोडमा करिब २६ सय वटा निवेदन दर्ता रहेको जानकारी दिनु भयो । उहाँले वास्तविक भूमिहिन सुकुम्वासीको पहिचान गरेर व्यवस्थापनको लागि नगरपालिकाले पहल गर्ने पनि बताउनु भयो ।

भूमि समस्या समाधान आयोग शाखा प्रमुखमा बिमल पोख्रेल, सर्भेक्षकमा शुशिल शिवाकोटी र अमिनमा प्रियका राउत गरी ३ जना रहनु भएको छ । कार्यालय उद्घाटनमा शिक्षा शाखा प्रमुख उपसचिब तिलचन भण्डारी लगायत कर्मचारीहरुको उपस्थिति रहेको थियो ।

The post बिर्तामोडमा खुल्यो भूमि समस्या समाधान आयोगको शाखा कार्यालय appeared first on Jhapa Online.