पानीको जारमा भेटियो किरा, महानगरले तिरायो २५ हजार जरिवाना 

काठमाडौँ । ललितपुरमा पानीको जारमा किरा भेटिएको छ । केएम मिनिरल वाटर एण्ड वेभरेज प्रालिले उत्पादन गरेको पानीको जारमा किरा भेटिएको हो । 

पानीको जारमा किरा भेटिएपछि केएम मिनरल वाटर एण्ड वेभरेज प्रालिलाई ललितपुर महानगरले २५ हजार रुपैयाँ जरिवाना तिराएको छ ।

महानगर प्रहरीका अनुसार पशु सेवा तालिम केन्द्र ललितपुरमा ल्याइएको जारमा किरा भेटिएको थियो । पानीको जारमा किरा भेटिएको उजुरीपछि महानगर प्रहरीको टोली तत्काल निरीक्षणका लागि केन्द्रमा पुगेको थियो । 

निरीक्षणका क्रममा सिलप्याक जारमा किरा भेटिएपछि महानगरले कारवाहीस्वरुप कम्पनीलाई २५ हजार रुपैयाँ जरिवाना तिराएको  महानगर प्रहरीले जनाएको छ ।