झरीमा कीर्तिपुर क्रिकेट मैदानको निरीक्षणमा मन्त्री, समयमै निर्माण गर्न निर्देशन

काठमाडौं । उपप्रधानमन्त्री एवंम शहरी विकास मन्त्री प्रकाशमान सिंहले जनशक्ति थप गरेर भएपनि कीर्तिपुर क्रिकेट मैदानको काम समयमै सम्पन्न गर्न निर्देशन दिएका छन् ।

स्थलगत निरीक्षणमा पुगेका मन्त्री सिंहले प्यारापिट र फल्ड लाइट जडानको काम निर्धारित समयमै सम्पन्न गर्न निर्देशन दिएका हुन् ।

सरकारले वैशाख २४ भित्रै सबै काम सक्नेगरी ठेक्का दिएको थियो । ठेकेदार कम्पनीले तीन सिफ्टमा काम भइरहेको भन्दै समयमै सम्पन्न गर्ने जानकारी मन्त्री सिंहलाई गराएको छ ।

कीर्तिपुर क्रिकेट मैदानमा अन्तर्राष्ट्रिय मापदण्ड अनुरूप १० हजार क्षमताको प्यारापिट निर्माण र फ्लड लाइट जडान कार्यको २०८१ फागुनमा सम्झौता भएको थियो ।