आन्दोलनरत शिक्षकलाई सर्वोच्चको आदेश- तीन दिनभित्र विद्यालय फर्कनू

काठमाडौं । सर्वोच्च अदालतले काठमाडौंमा विभिन्न माग राखी आन्दोलनरत शिक्षकहरूलाई तीन दिनभित्र विद्यालय फर्कन आदेश दिएको छ।

न्यायाधीश नहकुल सुवेदीको एकल इजलासले बिहीबार यस्तो आदेश जारी गरेको हो। सर्वोच्च अदालतको यो आदेशसँगै आन्दोलनरत शिक्षकहरूले तीन दिनभित्र आफ्ना विद्यालयहरूमा उपस्थित भई पठनपाठन सुचारु गर्नुपर्ने भएको छ।

शिक्षकहरूले विभिन्न सेवा सुविधालगायतका माग राख्दै केही समयदेखि काठमाडौंमा आन्दोलन गरिरहेका थिए। सर्वोच्च अदालतको यो आदेशले उनीहरूको आन्दोलनलाई तत्कालका लागि स्थगित गर्नुपर्ने देखिएको छ।