आज हुने ‘लाफ्टर फर लाइफ’ को तयारी पूरा, कार्यक्रम हेर्न कलाकारहरुको निम्तो

लन्डन  । आज आइतबार सांझ लन्डन हयारो लिजर सेन्टरमा हुन गइरहेको ‘लाफ्टर फर लाइफ’ कार्यक्रमको तयारी पूरा भएको छ । लन्डनमा हुने कमेडी र संगीतको समिश्रण कार्यक्रम उक्त कार्याक्रमका लागि कलाकारहरु लन्डन आइसकेका छन् ।

कार्यक्रमका लागि महानायक राजेश हमाल र हास्यकलाकार सन्दीप क्षेत्री (मिस्टर ह्याप्पी) बुधबार नै लन्डन आइपुगेका हुन् । यसैगरी गायक भट्टराई र  र उनको व्याण्ड अतृप्त पनि लन्डन आइसकेको छ  ।

आज साँझ हुने ‘लाफ्टर फर लाइफ’ कार्यक्रममा राजेश हमाल र सन्दीप क्षेत्रीले दुई घण्टा भन्दा बढी हाँस्य कार्यक्रम प्रस्तुत गर्नेछन् । महानायक हमाल पहिलोपटक स्ट्याण्डअप कमेडीका लागि स्टेजमा उत्रनेछन् । लन्डनबाट उनको कमेडी यात्रा शुरु हुनेछ ।

सोहि स्टेजमा लाखौं युवामनका ढुकढुकी गायक नवीन के भट्टराई र उनको व्याण्ड ‘अतृप्त’ का सदस्यहरुले पनि लाइभ म्यूजिकमा परफर्म गर्नेछन् । आफूहरुले सक्दो उत्कृष्ट प्रस्तुति दिन प्रयास गर्ने भट्टराईले  बताएका छन्  । बेलायतका दर्शकहरुसंग धेरै लामो समयपछि साक्षात्कार गर्न पाउंदा उत्साहित भएको उनले बताए ।

आयोजक माया इभेन्ट्सका निर्देशक राज पाण्डे तथा  डा. रक्षा थापाले ऐतिहासिक इभेन्टमा आएर मनोरंजन लिन सबैलाई आग्रह गरेका छन् । कार्यक्रमस्थलको तयारी पनि पूरा भएको र  कलाकारहरु पनि आफ्नो प्रस्तुतिका लागि तयारी अवस्थामा  रहेको आयोजकले जानकारी दिए ।

कार्यक्रमको लागि टिकट लिन अनलाइन तथा हलमा समेत उपलब्ध हुनेछ । अनलाइन टिकट को लागि यहाँ क्लिक गर्नु होला ।