आँधीबेहरीका कारण उत्तर प्रदेशमा १४ जनाको मृत्यु

नयाँ दिल्ली, ८ जेठ । बुधबार साँझ उत्तर प्रदेश लगायत भारतका कयौँ क्षेत्रमा आएको आँधीले जनधनको ठुलो क्षति भएको छ । बीबीसी संवाददाता सैयद मोजिज इमामका अनुसार उत्तर प्रदेशमा आँधीका कारण कम्तीमा १४ जनाको ज्यान गएको छ ।

मौसम विभागले उत्तर प्रदेशका ४७ जिल्लाका लागि अलर्ट जारी गरेको छ । उत्तर प्रदेशका मुख्यमन्त्री योगी आदित्यनाथको कार्यालयले सामाजिक सञ्जाल प्लेटफर्म एक्समा एक पोस्टमा सम्बन्धित अधिकारीहरूलाई राहत कार्य पूर्ण रूपमा छिटो सम्पन्न गर्न निर्देशन दिइएको बताएको छ ।

बुधबार आएको आँधीबाट उत्तर प्रदेश मात्र नभई दिल्लीका धेरै क्षेत्रहरू पनि प्रभावित भएका छन् । राजधानी दिल्लीका धेरै क्षेत्रमा रूख ढलेर धेरै सवारी साधनमा क्षति पुगेको थियो । यसका कारण धेरै क्षेत्रमा यातायात अवरुद्ध भयो भने मेट्रो सेवा पनि प्रभावित भयो । एजेन्सी

The post आँधीबेहरीका कारण उत्तर प्रदेशमा १४ जनाको मृत्यु appeared first on Jhapa Online.