परेश रावलले ब्याजसहित फिर्ता गरे ‘हेरा फेरी ३’को साइनिङ रकम

काठमाडौं । अहिले बलिउड फिल्म ‘हेरा फेरी ३’ चर्चामा छ । यो फिल्म अभिनेता अक्षय कुमारले निर्माण गर्दैछन् ।

अभिनेता परेश रावलले उक्त फिल्म छोडेको खबर आएको छ र अक्षय कुमारले उनलाई यस सम्बन्धमा कानुनी सूचना पठाएका छन् ।

अब यो कुरा बाहिर आएको छ कि परेशले सुटिङको लागि अग्रिम रूपमा दिइएको ११ लाख भारु फिर्ता गरिसकेका छन् । यति मात्र होइन, उनले रकमसँगै १५ प्रतिशत ब्याज पनि दिएको भारतीय सञ्चारमाध्यमले जनाएका छन् ।

बलिउड हंगामाको रिपोर्टअनुसार रावलले ‘हेरा फेरी ३’ बाट अलग भएपछि साइनिङ रकम फिर्ता गरेका छन् ।

एक स्रोतले बलिउड हंगामालाई भन्यो, “परेश रावलले १५ प्रतिशत वार्षिक ब्याजसहित ११ लाख रुपैयाँको साइनिङ रकम फिर्ता गरेका छन् । फिल्मबाट पछि हटेका कारण उनले केही थप पैसा पनि दिएका छन् ।”

टर्मसिटअनुसार रावललाई साइनिङ रकमको रूपमा ११ लाख रुपैयाँ दिइएको थियो । उनको कुल शुल्क १५ करोड रुपैयाँ तोकिएको थियो । टर्मसिटमा यो पनि लेखिएको छ फिल्म रिलिज भएको एक महिनापछि मात्र परेश रावलले बाँकी १४.८९ करोड रुपैयाँ पाउनेछन् ।

यसका साथै स्रोतले यो पनि बताएको छ कि फिल्मको मुख्य छायांकन अर्को वर्ष सुरु हुने अपेक्षा गरिएको छ । यसको अर्थ ‘हेरा फेरी ३’ को रिलिज २०२६ को अन्त्य वा २०२७ सम्म स्थगित हुन सक्छ ।

अक्षय कुमारले हाले परेश रावलविरुद्ध मुद्दा, २५ करोड माग