दलका प्रमुख सचेतकसँग सभामुख घिमिरेको छलफल

काठमाडौं । प्रतिनिधिसभामा अवरोध हटाउने प्रयासस्वरूप सभामुख देवराज घिमिरे र प्रमुख सचेतक तथा सचेतकको बैठक बसिरहेको छ ।

बैठकमा संसद्को गतिरोध अन्त्य गर्ने साथै, आगामी बजेटमाथिको छलफलको समय निर्धारण गर्ने र संसद्को कार्यतालिका तय गर्नेलगायतका विषयमा छलफल भइरहेको छ ।

यसलगत्तै आजै मध्याह्न १२ बजे सिंहदरबारमा कार्यव्यवस्था परामर्श समितिको बैठक बोलाइएको सभामुखका प्रेस सल्लाहकार शेखर अधिकारीले जानकारी दिए ।

भिजिट भिसा प्रकरणमा गृहमन्त्री रमेश लेखकको राजीनामा माग गर्दै विपक्षी सांसदहरूले लगातार प्रतिनिधिसभा बैठक अवरुद्ध गर्दै आएका छन् ।