पोखरीयाका तत्कालीन प्रमुख प्रशासकीय अधिकृत अख्तियारको नियन्त्रणमा

काठमाडौं । अख्तियार दुरुपयोग अनुसन्धान आयोगल‍े पर्साको पोखरीया नगरपालिका (हाल बहुदरमाई नगरपालिका) का तत्कालीन प्रमुख प्रशासकीय अधिकृत अजयकुमार श्रीवास्तव र नायब सुब्बा सन्दीप साहलाई नियन्त्रणमा लिएको छ ।

विभिन्न योजना एवं कर्मचारी नियुक्ति लगायतका विषयमा अनियमितता गरी भ्रष्टाचार गरेको भन्ने उजुरीको आधारमा शुक्रबार उनीहरुलाई वीरगञ्जबाट नियन्त्रणमा लिइएको अख्तियारका सहायक प्रवक्ता देवीप्रसाद थपलियाले जानकारी दिए । उनीहरुको साथबाट चार वटा मोबाइलसमेत बरामद गरिएको छ ।

साथै, पोखरीयाका प्रमुख प्रशासकीय अधिकृत रामविनय कुमार सिंह र वडा नं. २ का सचिव ओमप्रकाश चौरसियाको मोबाइल बरामद गरी थप अनुसन्धान भइरहेको अख्तियारले जनाएको छ ।