डीएनए परीक्षणपछि इजरायलले भन्यो – हमासका मुख्य नेता सिनवार मारिए
काठमाडौं । इजरायलले हमासका मुख्य नेता याह्या सिनवार मारिएको पुष्टि गरेको छ । यद्यपी यसबारे हमासको प्रतिक्रिया आउन बाँकी छ । इजरायली सुरक्षा बल आइडीएफले बिहीबार राति विज्ञप्ति निकालेर बुधबार दक्षिणी गाजामा गरेको अप्रेसनमा सिनवार मारिएको जनाएको हो । त्यसअघि इजरायली विदेशमन्त्री इजरेल काट्जले पनि सिनवारको मृत्यु भएको भन्दै संसारभरका आफ्ना दर्जनौं समकक्षीलाई व्यक्तिगत सन्देश […]
काठमाडौं । इजरायलले हमासका मुख्य नेता याह्या सिनवार मारिएको पुष्टि गरेको छ । यद्यपी यसबारे हमासको प्रतिक्रिया आउन बाँकी छ ।
इजरायली सुरक्षा बल आइडीएफले बिहीबार राति विज्ञप्ति निकालेर बुधबार दक्षिणी गाजामा गरेको अप्रेसनमा सिनवार मारिएको जनाएको हो ।
त्यसअघि इजरायली विदेशमन्त्री इजरेल काट्जले पनि सिनवारको मृत्यु भएको भन्दै संसारभरका आफ्ना दर्जनौं समकक्षीलाई व्यक्तिगत सन्देश पठाएको बीबीसीले जनाएको छ ।
सन्देशमा उनले गतवर्ष अक्टोवर सातमा भएको आक्रमणको मास्टरमाइन्ड हमास नेतालाई इजरायली सैनिकले बिहीबार मारेको उल्लेख गरेका छन् ।
काट्जले यो इजरायलको लागि महत्त्वपूर्ण सैन्य र नैतिक उपलब्धि भएको र इरानको नेतृत्वमा कट्टरपन्थी इस्लामको दुष्टताविरुद्ध सम्पूर्ण स्वतन्त्र संसारको विजय भनेका छन् ।
‘सिनवारको मृत्युले बन्धकको तुरुन्तै रिहाइको लागि सम्भावना खोल्ने र गाजामा परिवर्तनको मार्ग प्रशस्त गर्दछ’ इजरायली विदेशमन्त्रीले बताएका छन् ।
यसअघि इजरायली सुरक्षा बल आइडीएफले सिनवार मारिएको हुनसक्ने भन्दै डीएनए परीक्षण भइरहेको जनाएको थियो । लगत्तै विदेशमन्त्रीले आफ्ना समकक्षीलाई सन्देश पठाउँदै मारिएको पुष्टि गरेका थिए ।
हमासले भने यसबारे कुनै प्रतिक्रिया दिएको छैन । सिनवार हमासको सैन्य क्षेत्रका कमाण्डर थिए ।
यसअघि इरानमा भएको एक आक्रमणमा राजनीतिक कमाण्डर इस्माइल हनिया मारिएका थिए ।
हनियाको मृत्युपछि सिनवार नै हमासको मुख्य नेता थिए । उनी मारिएको इजरायली दाबी पुष्टि भएमा हमासका लागि यो निकै ठूलो क्षति हुनेछ ।
यो पनि पढ्नुहोस :
यी हुन् हमासका नयाँ नेता, जो युद्धबाटै इजरायललाई ध्वस्त पार्न चाहन्छन्
हमास नेता याह्या सिनवारको मृत्यु पुष्टि गर्न डीएनए परीक्षण गर्दै इजरायल
इस्माइल हानिया: शरणार्थी शिविरदेखि हमासको शीर्षसम्म, तीन छोरा गुमाएपछि अन्त्यमा आफैँ मारिए !
What's Your Reaction?